浪子樂變老婆奴

47歲錢嘉樂前日報喜做老襯,與拍拖五年的湯盈盈年底拉埋天窗,今次更是他「應肚即娶」,昨日揚言密謀換大屋兼換大車,錫晒老婆做老婆奴!

錢嘉樂與湯盈盈拍拖五年,前日他突然宣布年底結婚,原來全因意外有喜而奉子成婚。個性不羈的嘉樂被盈盈收服後,積極為人生大事籌備,為迎接新生命來臨,他早就密謀換樓換車,為盈盈及BB製造一個安樂窩,未娶已成老婆奴!

據知,一直與盈盈家住西貢匡湖居的嘉樂,目前正計劃搬新居,連向來視跑車為第二最愛的他亦轉玩七人車及BB車!他昨日在電話承認公布喜訊後有很多事情要計劃:「今日全日喺屋企諗嘢,好好計劃將來!我哋都商量過不如買過間屋,但呢度又好舒服,所以都有諗過重新裝修做愛巢,依家仲諗緊,但就會轉買部大車!(擇日結婚?)交畀盈盈負責,唔好以為佢似竹升妹,佢其實係好傳統嘅中國女仔!」他又直言原來做老襯很開心:「人生大事要開心同人講,原來係好難講!不過講完之後,朋友對我嘅祝福係我想像之外咁開心!(雙喜臨門?)首先要享受結婚過程先,其他嘢一步一步嚟!其實大家有共識Dream Wedding係去小島行婚禮,至於香港註冊同擺酒就交畀Toby(梁靖琪)搞!」

戒食生冷嘢 照着高踭鞋

而「大肚婆」盈盈如常為新劇《老表,你好嘢!》開工,前晚十時收工後獨自駕車到將軍澳的日本餐廳買外賣,問到身為大肚婆仍吃生冷食物,她只笑而不答,然後直駛西貢愛巢。昨日,盈盈到大坑為《老》劇繼續開工,腹部微隆照穿高跟鞋,全程獲郭晉安及林盛斌等拍檔照顧,見她不時摸着肚皮及用手袋掩肚。午飯時,身懷六甲的她明顯分外小心,只點了一碗全熟牛肉湯河,實行戒食生冷食物。其後,大隊轉到尖沙咀拍外景,盈盈被問是否懷孕三個月?她照舊笑而不答。

另外,嘉樂前日宣布婚訊時踢爆盈盈感動到喊?她笑說:「佢講啫!邊有喊!OK開心嘅。(擺脫剩女行列?)應該係佢恨到!(阿佘詐型話你咁遲講!)係呀!所以尋晚覆短訊覆到好夜,其實結婚都好突然,本來諗住出年,都未開始籌備婚禮。」盈盈又透露未有要求戲中動作場面由替身頂上:「嚟緊仲有場跣低嘅戲,冇事嘅,公司安全措施會做足。」收工後,她隨即駕車返寓所,並自爆好累:「我好攰呀!唔出街喇!返屋企休息。」

記者聯絡幫手統籌婚禮的Toby,她表示一對準新人早在兩、三個月前找她計劃婚禮,目前正為盈盈設計婚紗及裙褂。她指盈盈是傳統女人,平日會煮飯給嘉樂,是一位賢妻良母!

第一手消息請下載on.cc東方互動iPhone/iPad/Android Apps

專案組

錢嘉樂結束浪子生涯,近日埋頭為盈盈及BB計劃將來。

見肚照踩踭
盈盈話咁快見肚,但仍冒險穿高踭鞋。

盈盈樂樂現居匡湖居,打算搬大屋過三人世界。

日夜食不停
懷孕後的盈盈胃口大增,日夜密密食個不停。