Mei Mei索腿見光死

今年首次推出寫真集的陳靜師妹曾善美（Mei Mei）原來是愛腿之人，為護理42吋長腿而不惜大灑金錢勤做保養，她指這是誘惑異性的必殺技，故揚言這雙美腿「睇得唔掂得」，絕對是生人勿近！

女人天生愛靚，十個有九個都會喪買護膚品Keep住最佳狀態，而陳靜師妹Mei Mei的戰略並非靠靚樣，反而是其42吋的修長美腿。視美腿如命根的Mei Mei，平日不惜花錢護理雙腿︰「最滿意隻腳，係我吸引人嘅必殺技，所以平時買好多嘢護理，我愛腿如命，因為要靠佢去誘惑意中人！」

閒人免掂

Mei Mei笑言曾敷海底泥面膜時，順道敷埋對腳，因而成了一個「泥漿人」︰「有一次敷海底泥敷埋對腳，媽咪見到都嚇咗一跳，但敷完隻腳真係滑啲！」談到雙腿的保養心得，Mei Mei除敷Mask外，有時間都會去美容院為對腳做Facial，愛靚的程度連其朋友都深感佩服，她說︰「平時做嘢可以好唔錫身，又可以玩到好癲，但對腳就係禁區，唔係隨便畀人掂！」

提到夏天曬太陽，Mei Mei笑言每次外出都很大工程，除為靚樣搽好防曬外，雙腿更是見光死，故要搽足幾層防曬才安心，她說︰「試過同朋友去曬太陽，但事前隻腳搽咗好多層防曬，所以買防曬嗰時揀到好頭痛，而且隻腳唔可以長時間曝光，但工作就冇計！」

Profile

姓名：曾善美（Mei Mei）

年齡：23歲

三圍：33C、24、33

簡歷：今年簽約陳靜所屬的模特兒公司加入模界，同年推出首本寫真集《Finding Meimei》，力Sell清純形象及42吋長腿。