與Eason分房瞓 阿徐曾想分手

陳奕迅（Eason）的另一半時裝達人徐濠縈（阿徐），接受專訪時大談與Eason不為人知的感情世界，原來在未結婚前曾經歷「七年之癢」的感情危機，同居時遇冷戰期要分房瞓。

阿徐嫁Eason前，兩人已過着同居的生活，她指當時應Eason要求不再做娛樂圈，故有近三年時間游手好閒，對於使Eason的錢，她理直氣壯，認為當時已當Eason是半個老公：「佢畀家用我使，我覺得使得光明正大。」不過她與Eason感情路上亦非一帆風順，有一段時間陷入冷靜，她透露曾經想過分手：「可能佢當時太紅太忙，冇時間陪我，但未至於唔理我，佢有時做完嘢未必即時返屋企，會同同事或朋友有下場，我又同自己朋友去夜蒲，我哋連旅行都未必一齊去，感情變得愈嚟愈淡，關係好疏離！」

浪漫孝順

她坦言這是2003至2004年的事，這段日子永遠不會忘記，是她與Eason感情最艱難的時刻。冷靜期間，她睡廳，Eason睡房間，有朋友知道後，分別勸說他們，她說：「我哋問題唔喺第三者度，加上當時我要佢養，好冇安全感，當時我諗唔可以再係咁落去，我要搵嘢做，搵條出路畀自己，預咗可能會分手。」幸好有日她開始想着Eason的各種優點，突然間想通了，才雨過天青。

現在，她眼中的Eason在台上表演時最具吸引力，令她崇拜，又讚他浪漫又孝順，是難得的Good Man，他更是圈中難得從沒機心的人，對任何人也會直話直說，兩夫婦只講一個信字，從不會理甚麼緋聞和傳聞，對曾傳她由楊千嬅手中搶奪Eason，她肯定地說：「我同千嬅依家係好好嘅朋友。」