內地不少夜場愛用電影《喜愛夜蒲2》之名作宣傳，導演錢國偉昨日在電話中稱惟有在微博向大眾呼籲「小心」：「冇計啦！我見到被盜用嘅海報上，班女仔根本冇拍過套戲，有啲就可能拍過一場或一、兩個鏡頭，不過都代表套戲受歡迎！遲啲《夜2》都會喺內地上映，但要剪少少。（拍內地版？）會應廣東方面邀請，拍一個內地版《夜蒲》！演員會用內地女仔。」
（右）錢國偉（資料圖片）
