杏兒剪煩惱絲避談Bosco
胡杏兒昨日以短髮Look宣傳劇集《怒火街頭2》，她強調因拍新劇才轉換形象，並非情傷所致，亦多次避談舊愛黃宗澤（Bosco），但不抗拒再與對方合作，一切由公司安排。問到是否多了追求者？她說：「唔係呀！單身都可以好開心。」對於新劇撞正倫奧令收視跌十點，杏兒不覺得成為炮灰，相信下周收視會更好。提到同劇的鄭嘉穎與苟芸慧傳緋聞，杏兒說：「我唔敢亂答呀！我唔覺嘉穎對苟姑娘特別好，不過男未婚女未嫁，最緊要佢哋開心！」席間眾演員玩爭櫈仔遊戲，林子善將女新人林秀怡撞跌地上，又作狀除褲穿上贏得的三角褲，場面搞笑！
另外，上周通訊局接獲四宗有關《怒》劇的投訴，包括不滿情節安排及演員廣東話不純正，而《玩轉三周1/2》亦有七宗投訴，指內容淫褻、對海關不尊重及抄襲。
杏兒獲大批粉絲支持，情傷自然不藥而愈。
林子善為了爭贏櫈仔，竟將林秀怡撞到趴地！
林秀怡