張文慈冇老公 搵林文龍頂檔
張文慈（Pinky）信基督教後生活態度與以往截然不同，最近她與林文龍合演福音電影《因愛之名》，飾演夫妻，電影由真人真事改編，演殺人犯的文龍背後有妻子Pinky以大愛包容。
Pinky雖然暫時仍未覓得真命天子，卻對自己的量度信心十足，她說：「我諗我會係個幾大方嘅老婆，底線係男人唔可以出手打女人。」她與文龍夫婦有私交，合作拍戲默契不錯，她更向文龍笠高帽：「依家我未有老公，拍戲有個咁靚仔嘅頂住先，都幾好吖！」
另外，Pinky最近在台灣高雄投資燒臘店，預計下月開張榮升老闆娘，不過同時《因》片力邀她稍後隨隊出發，往澳洲出席首映禮及佈道會，令她懊惱不已：「如果真係要揀嘅話，我諗我會選擇去澳洲。（熱衷傳道，諗住讀神學？）呢方面就未有打算，因為神學課程唔係話讀就讀，我覺得要上天畀感應先得。」
張文慈與林文龍拍福音電影，合演夫妻。