陳庭欣睇好湯洛雯摘后冠

前港姐陳庭欣早前隨應屆港姐到內地拍外景，身為師姐的她趁空檔四處玩，還穿上三點式大晒Fit爆身材，與師妹不相上下，並坦言睇好湯洛雯，大讚又靚又夠高！

前港姐陳庭欣（Toby）早前以師姐及「旅遊大使」身份到長隆，與應屆候選港姐拍攝外景。見到一班佳麗姊妹情深，不禁勾起Toby參選時的回憶，這次她為競選旅遊大使的活動擔任主持，令她倍感親切！她說：「我睇到當晚嘅布景就特別有感覺，我嗰年係同《香港先生》一齊選旅遊大使，我係同翟威廉一齊拎o架！」問到對師妹的印象如何？她大讚今屆旅遊大使得主湯洛雯平均：「我覺得佢幾靚女，又有禮貌同埋高度！」

拖草泥馬出巡險走失

懂得忙裏偷閒的Toby，不用拍攝時，即在水上樂園玩樂，穿上比堅尼的她身形甚Fit，雖然經常拍攝飲食節目，但未見「暴脹」，她笑說：「我之前出活動曬咗條背心裙印出嚟，所以咪想趁機曬番勻循啲囉！」她又表示不抗拒在港穿三點式到沙灘曬太陽，並搞笑說：「去游水着泳衣好正常，又唔係唔着，加上我又唔係波濤『胸』湧嗰啲！」

此外，Toby到附近動物園觀光，首次見「草泥馬」真身，嘖嘖稱奇，好奇得拖着牠四圍走，還發生蝦碌事：「本來有條繩綁住畀我帶佢周圍行，點知我行行吓一擰轉面唔見咗佢！原來係條繩鬆咗，隻草泥馬差啲走失，真係嚇死我！」