R&K Mr.飲得杯「樂」
樂隊Mr.將率領師妹組合Robynn＆Kendy（R&K）及師弟林德信，於《軒尼詩炫音之樂》音樂會演出，屆時Mr.會與台灣女歌手A-Lin（黃麗玲）Jam歌。主音Alan表示有時開騷前，會「飲番兩杯」紓緩緊張情緒，令演出時更「放」：「我哋唔係亂劈，係慢慢嗒。（邊個酒量最好？）Ronny啦！佢對酒好有要求。」爸爸級的Tom表示，其母與Ronny同屬飲得之人：「佢哋飲酒飲到一家親，大家又鍾意飲酒，得閒可以研究心得。」而Dash因為要揸車，不能豪飲，故酒量一般。Robynn自稱酒量淺，並讚Kendy酒量不錯：「有時去外地旅行都會飲多兩杯，個人放鬆啲。」問到飲醉有何怪行為？Alan和MJ表示會不停說話，反而Ronny和Tom則會刨武俠小說。
Mr.、R&K及林德信（左）舉杯「Cheers」，預祝音樂會演出順利。
新組合R&K成員Robynn（左）&Kendy，都是「飲得」之人。