周家蔚婚前食詐胡激動痛哭

剛宣布懷孕、目前在家安心養胎的周家蔚，昨日接受電台電話訪問時透露，原來早於婚前曾誤以為懷孕，跟洪天明歡天喜地去做檢查時才發現「食詐胡」！失望得一度痛哭，要天明安慰。

周家蔚年初下嫁洪天明，而且一直表明恨生小朋友，直至日前出席活動時，家蔚終親口承認懷孕。消息公布後陸續收到各方祝賀的她，昨日接受電台訪問時，除大談近況外，亦透露婚前曾「食詐胡」！

主持人查小欣指兩人婚後幾個月便宣布有喜，問到是否計劃之內？家蔚說：「冇諗過o架！因為之前食過一次詐胡，打算調理番好身體後先再計劃，點知道咁快又有，真係感謝上天。」她又稱「詐胡」是婚前發生：「我哋本來想試吓追龍B，大約喺派請帖時知道『食詐胡』，當時好多朋友都有安慰我。」

幸得老公安慰

事後記者再致電家蔚了解，她表示年初時感到有懷孕迹象，跟老公洪天明一心以為即將榮升父母：「去做檢查時，醫生話我肚入面只係個胎囊，即係一個未成形嘅胎兒。」但家蔚強調並非小產：「醫生亦都話呢啲屬好小事，每四分一人中都會出現咁嘅情況，唔關身體問題事。」得知消息後，她坦言心情激動和痛哭，幸得天明一直在旁安慰。對於短時間內再度懷孕，她說：「上天真係對我好好，而且BB佗得好健康，心情亦一早平復。」