林欣彤攬住咀 陳家樂有Feel

巨聲幫出身的「小巨肺」林欣彤歌而優則演，近日夥同容祖兒等拍新片《DIVA華麗之後》，跟同公司的陳家樂發展感情線的她笑說：「好似同佢拍咗十年拖咁。」

近日夥拍樂壇天后容祖兒（Joey）等拍攝英皇新片《DIVA華麗之後》的林欣彤（Mag），在片中與同公司藝人陳家樂合演一對小情人，Mag說：「拍之前同佢完全唔熟，有啲尷尬，但我同家樂都想拍好套戲，好快就好信任對方，拍嘅過程，我感覺同佢就好似拍咗十年拖咁。」

陳家樂卻大爆與Mag拍Kiss戲咀到攰：「有啲鏡頭導演想一個鏡頭直落，結果我同Mag要NG成二十次，拍到口攰、口乾先OK！不過唔知點解，我同阿Mag拍戲前完全唔識，第一次記者會冇交流，但拍第一個鏡頭已經係拖手、攬錫，埋位即刻有感覺，戲外我都好欣賞佢敢作敢為嘅音樂態度，感覺特別啱傾。（想追佢？）我唔排除有機會發展o架！」

唔驚羅孝勇呷醋

雖然Mag已有緋聞男友羅孝勇，但她說：「哈哈！咁我都唔排除（跟陳家樂）有機會發展。（現實中你接唔接受到戲中咁，男友地位比你低？）得！真心愛一個人，就邊個都唔可以取代佢，就算佢地位低，你都可以發掘到佢嘅骨氣同意志！」