泳兒先同居後結婚
歌手泳兒將推出全新廣東碟，這次特別找來全新班底合作，她表示錄音時患上氣管敏感，更試過咳到喊，令她倍添壓力，幸而監製喜歡她「聲沙沙」，故未有造成影響。她透露新碟曲風及形象會有全新風格，又坦言其髮型師男友不會擔任MV男主角，因對方面對鏡頭會變得害羞：「我試過講笑咁問佢，佢就講笑話如果出鏡驚會遮咗我嘅光芒！」她透露新歌《很慣很懶》猶如他倆的相處方式：「首歌係講兩個人好似小朋友咁嘅相處方式，兩個人相處總有一面係其他人睇唔到，可能出面人覺我好Cool，但可能喺屋企我同男朋友會做啲好蠢嘅事。」更明言結婚前會先嘗試同居，測試是否適合一同居住，以免婚後「相見好同住難」。
外表Cool爆的泳兒，在家裏會展現傻大姐一面。
泳兒早前被本報拍得跟男友到銅鑼灣行街。（資料圖片）