梁佑嘉夠勇「愛」義無反顧

「翻版陳慧琳」梁佑嘉（Abella）首嘗填詞滋味，生於大富之家的她，在情路上卻連番受挫，但其愛情觀跟事業心一樣，屢敗屢戰、無怨無悔，堅守信念勇往直前。

雖然尚未在樂壇站穩陣腳，但Abella卻大膽嘗試執筆填詞，剖白內心世界及愛情觀。外界以為是「富二代」的她，本錢優厚應被視為「鑽石筍盤」，愛情路上理應無往而不利，可是她日前接受專訪時，事實與假想是兩碼子的事，Abella的愛情路如歌手生涯般屢受挫折。

再見亦是朋友

Abella談及失戀故事：「喺澳洲讀書嗰時，佢係香港人，我哋拍咗好多年拖，但最終都分手收場。」不過性格樂觀，又不記仇的她仍可與前男友做回朋友：「我唔會因愛成恨，反而會變友情，多個朋友好過多個敵人，畢竟我愛過佢！我嗰時揀佢，因為我信自己嘅感覺同眼光。」

她自爆對愛情執着，可以為戀愛背棄家人及朋友，又指新歌《捍衛愛情》是其愛情寫照：「以前同男仔拍拖冇同屋企人講，啲朋友係咁數佢話佢唔好，我冇理人哋點離間我哋，我唱呢首歌時好感動。」另外，她填詞的《移除記憶卡》，是寫一段不能忘懷的舊情：「靈感嚟得好突然，嗰晚落雨行雷扎醒咗，我睇番手機之前啲相，仲有錄音對話，諗起以前啲嘢，好唔捨得Delete，唔係掛住佢，係因為就算Delete咗都會記得，呢啲係成長嘅經歷。」