Jessica C.鐘「升」Big爆裙

Jessica C.近日以6位數字酬勞接拍美容院廣告，提到早前脹爆行騷，她自爆當時肥了10多磅，連招牌「警鐘胸」亦升Cup！現已成功收身的她，但上圍竟未有縮水！

近日離港返回美國處理搬屋事宜的「警鐘胸」Jessica C.（JC），出發前以六位數字酬勞，為Lubuds Group旗下的美容院拍攝新一輯宣傳照，雖然數月前她於北京行內衣騷時身形脹爆現豬腩肉，但拍攝當日她已成功收身，更換上4款不同造型拍攝，大騷事業線及收身成果。

陪妹喪食重10磅

對於脹爆一事，她直言是噩夢，並指當時因陪伴懷孕的妹妹喪食而肥了10多磅︰「佢食幾多我就食幾多，我依家好想銷毀嗰啲肥相！」她大爆連「警鐘胸」亦由C Cup變D Cup，幾乎逼爆裙︰「上圍有升到，之前啲裙都着唔到，要同事幫手！」拍攝當日她已回復纖瘦，但JC「瘦人唔瘦胸」，「警鐘胸」變升Cup版！她說︰「我好努力做Gym減肥，依家幫美容院宣傳之餘，又可以乘機做療程，瘦番好開心！不過可能因為做健身機減肥，上圍冇縮水。」

JC身形已經Fit爆，但她仍想瘦下去，因想起數月前腫脹的自己而感到怕怕︰「依家我會繼續減，想再瘦啲，因為唔想之前嘅噩夢再發生！」