Eric電腦離奇被盜 恐私隱外洩

歌手孫耀威前日到內地工作時，發現行李箱內的手提電腦不翼而飛，身份證及護照等重要個人資料隨時外洩，幸好電腦中沒有與女友陳美詩的「慾照」！

孫耀威（Eric）前日飛往福州登台，抵達酒店後發現行李箱中的手提電腦不翼而飛，他前晚在微博上載行李箱的照片，並留言：「在香港往福州的行李裏面的手提電腦被偷了……辦（犯）案的人！請自首吧！我寫的歌都在電腦裏。」不少圈中人即留言安慰。

Eric昨日由福州返港，再轉機往大連出席活動，他接受電話訪問時無奈地說：「唉！好黑仔！電腦入面有100首自己作嘅歌。（有冇慾照？）部電腦好新，冇乜入相，最慘入面有我嘅證件影印本，有名同證件號碼，所以好擔心！」

報公安備案

由於行李箱的密碼鎖數字沒有變動，令他覺得很奇怪：「部電腦一直放喺篋，出發時檢查過密碼鎖，返到酒店發現密碼鎖嘅數字冇變過，但電腦就離奇失蹤。初初以為漏喺香港，打番去但工人話冇，後來發現篋嘅另一面畀人摷亂晒，但個篋好多人掂過，都唔知點搵！」他認為事件有疑點：「我坐頭等，行李應該最快出，但嗰件行李仲慢過坐經濟位嘅乘客，時間差距有問題。」

已向公安備案的他，返港後會再去警署備案，他表示當買個教訓：「以後駝背都要孭住，總之重要嘢同錢都要跟身，辛苦啲都要！」對於其博文引起網友罵戰，他無奈地說：「希望大家唔好咁敏感，我只係想呻吓啫！」