周家蔚見肚擦足三碗飯
黎耀祥、鄭則士（Ken）與周家蔚等昨日為劇集《造王者》宣傳，剛有喜的家蔚自然受保護，黎諾懿不時照顧她。玩遊戲時，祥仔孭着田蕊妮扯大纜時笑言，戥其老公杜汶澤孭起頭家辛苦，阿田聞言即笑說：「頭家係我孭起o架！」而孭起姚子羚的Ken哥亦搞Gag說：「你騎過大笨象未？」
明顯「見肚」的周家蔚透露，前晚與好友文頌嫻及姚樂怡等到佘詩曼家吃飯，由「佘媽」下廚，食足三碗飯勁滿足。問到阿佘見有喜的她有否心郁郁？家蔚說：「唔知佢，都鼓勵佢快啲！（佢有冇新戀情？）冇呀！」她還透露預產期明年二月，奶粉及BB車等已有贊助。
另外，對於《玩轉三周1/2》被指抄足美、日趣劇，祥仔指借別人形式作參考亦無可厚非，惟有盡量加本土特色。提到有指朱慧敏態度囂張，拍攝《愛．回家》時教做戲，黎諾懿代她否認。
黎諾懿為保護周家蔚而抱起她，但睇落仲危險喎！
一個影帝，一個視帝，鄭則士（左二）與黎耀祥孭女伴搞氣氛。
周家蔚（左）到佘詩曼（右）家作客勁開胃。