Eason搵機會安慰劉翔

「欄王」劉翔腳傷摔倒出局，令萬千粉絲心碎，歌星陳奕迅（Eason）昨日由英國睇完奧運返港，太太徐濠縈及女兒沒有同行。Eason表示稍後會「呵番」劉翔：「好可惜，我識佢o架，遲啲會搵佢安慰佢。」

Eason早前以國家羽毛球隊榮譽大使身份，到倫敦為中國運動員打氣，講到徐濠縈早前於微博上與網友罵戰，Eason說：「當日我哋一家三口喺加拿大食麵，阿徐係媽咪好緊張個女，個女細又唔識見有人不停舉高部電話，好似影緊相，又不停被人望，食餐飯都食得唔舒服。所以母愛護女之下，先衝動咗少少，作為藝人我哋好明白公眾人物是要承擔壓力，但個女仲細，冇必要陪同我哋承受壓力，希望大家了解。」

小方力撐

此外，方力申前晚錄影《環遊世界明星賽》，談到劉翔出局時也百感交集：「又失望又同情，最慘係咁多年嘅努力完成唔到，同時亦好感激佢2004年攞到金牌，對中國貢獻好大。」對於網友指劉翔「造假」，他說：「網上咁多意見，好難拗贏佢哋。」江若琳對於偶像劉翔失手也感可惜，她再三翻看重播，認為是意外及心急造成。而鄭裕玲出席活動談及劉翔時說：「冇辦法，可能壓力好大，佢都堅持去到終點，嗰幕好感人。佢係中國第一位攞到奧運百米跨欄金牌嘅人，都好光榮，大家唔好諗嘢咁負面，祝福佢早日康復。」

小豬晒「金」

另一邊廂，台灣歌手羅志祥（小豬）昨日抵達倫敦奧運村，與奧運女子雙人三米板跳水金牌得主吳敏霞和何姿近距離接觸！小豬不忘自拍合照，並上載至微博！歌星王力宏在微博貼出與劉翔的合照為他打氣說：「謝謝你的努力，你的付出，謝謝你帶給我們的團結和感動。」