「舊愛」沈震軒冇呷醋
賈曉晨舊愛沈震軒（Sammy）對於樊少皇與JJ互生好感，Sammy坦言與JJ有聯絡，但沒講感情事：「佢話之前拍劇唔開心，最近心情好咗啲喇﹗（佢哋襯唔襯？）外人唔方便評論，最緊要佢開心。如果佢問我，我先畀意見啦！（祝福佢？）朋友一定會。（有冇酸溜溜？）唔會。」Sammy還表示有空會帶緋聞女友劉羽琦逛街，他說：「清者自清，畀人影到都唔怕。」
此外，宣萱、馬國明和JJ等前晚錄影節目《飛虎終極任務》，劇中飾演情侶的馬國明和JJ自爆傳緋聞谷宣傳，馬國明笑謂與JJ傳過緋聞，但其後不了了之。JJ則說：「咁呢兩日寫啦！但係套劇播完就唔好再提喇！」馬國明說：「你都好識利用傳媒喎！」JJ補鑊大讚馬國明是筍盤，馬國明沒好氣說：「呢排周街都係筍盤，快啲去執啦！」
沈震軒坦言會祝福JJ，果然再見亦是朋友。
曾與馬國明傳緋聞的JJ大讚對方是筍盤。