錢嘉樂粉絲糕招催婚

前日47歲牛一的錢嘉樂，晚上與父母及女友湯盈盈出席日本影迷為他而設的生日派對。「未來老婆」盈盈見家長，嘉樂笑言父母冇「流口水」，更沒有催婚！

壽星仔錢嘉樂前晚生日，一班日本忠實粉絲遠道從日本抵港，聯同香港粉絲與「錢家班」共40多人，在尖沙咀一間以香港懷舊為主題的餐廳慶祝。日本粉絲親手炮製了一個屋形的朱古力蛋糕送給嘉樂，寓意他盡快「成家立室」。但「未來老婆」湯盈盈早走要返電視城開劇，故未有合照。

恨拍代表作

問到盈盈送了甚麼禮物？嘉樂說：「其實所有禮物都未拆，盈盈都有送，但乜嘢都冇所謂，最緊要係份心意！（承諾明年結婚？）班朋友係有講過，等明年曾志偉生日一齊出埠旅行時先搞，但真係成行先算！（父母催？）真係冇，佢哋畀我好大自由度。」嘉樂稱生日願望是身體健康，身為動作指導的他，希望可趁這兩、三年拍到一部代表作。

此外，同月壽星楊思琦昨日生辰，她在微博上載切生日蛋糕相，昨日她在電話中說：「同家人食飯慶祝，同粉絲私下食咗飯，今年我已經食咗四個蛋糕。（BB食？）佢仲未食到蛋糕，生日願望希望身體健康、快啲拍劇。」