Lynn送袋寄愛 城城孭「熊」心
名模熊黛林（Lynn）昨日與楊洛婷及吳雨霏等出席手袋活動，Lynn坦言曾送手袋給男友郭富城，問到城城是否喜歡？她說：「佢成日孭。（孭住你個心……思？）係，係心思囉！」至於會否希望掌控城城的財政大權？Lynn說：「要睇個財政大權幾大，太重就唔想喇，驚自己會用晒啲錢！（碌城城畀你嘅信用卡？）冇呀！我得一張係自己嘅，想財政獨立。」她還透露前日完成激光矯視手術，不用再佩戴隱形眼鏡。
而同場的設計師何志恩（Johanna）表示，不少內地客專程來港光顧她新開的時裝店。提到好友徐濠縈於微博罵強國人無禮被聲討，Johanna說：「我都唔想講咁多，其實佢係無意嘅。」
Lynn的笑容甜到漏？因為提起城城嘛！
時裝店生意理想，難怪何志恩賺到笑。
吳雨霏貫徹型格路線。