基仔封老友劉翔永遠英雄

古巨基與「欄王」劉翔相識八年，昨日劉翔在倫奧場上跌倒初賽出局，基仔看他單腳跳完成賽事深受感動，隔空為老友打氣封他「永遠英雄」，而劉翔緋聞女友、世界小姐張梓琳亦在微博送祝福。

古巨基眼看老友「欄王」劉翔昨日在倫奧場上跌倒一刻，非常心痛，昨日他接受電話訪問時坦言心情還未能平復，而且非常心酸，問到基仔的心情，他嘆氣說：「畀我平一平靜先，我心情真係唔知點樣形容，不論結果係點，我都會支持和關心佢。（有冇同劉翔關絡？）點都要過咗呢個階段先。」其後基仔無奈地續說：「意外發生後，我第一時間最擔心佢嘅傷患，見到佢單腳跳住完成原本要跑嘅路，嗰一刻好感動，畀我睇到『體育精神』，睇到我心酸。當佢『跳』到終點嘅時候，好多各地運動員上前扶住佢，場面好感人。作為一個運動員，花咗好多心機和時間去準備今次賽事，期間仲要處理舊患嘅治療，佢咁用心機之後遇到今次意外，可想而知劉翔個心其實都唔好受。無論如何，結果係點，我對劉翔永遠支持，佢係我心目中嘅『英雄』，因為佢之前已經創造咗好多好多嘢，佢係英雄。」

微博安慰打氣

雖然不能夠常常見面，但基仔一直緊貼劉翔的消息，感受到他的難過，基仔說：「見佢狀態都幾好，知佢一直有訓練和準備，狀態唔錯。無論如何，佢喺我心目中永遠都係『欄王』。」其後他再透過微博安慰劉翔和替他打氣。

張梓琳送祝福

而劉翔緋聞女友、世界小姐張梓琳昨晚在微博留言鼓勵劉翔：「雖不曾踏上過國際賽場，但十幾年的時間，讓我明白體育是極致殘酷的，即使付出再多力，也不會一定會得到回報。巔峰過後，再優秀的運動員也會有退役的那天，如同再精彩的演出也會有落幕的時刻。祝劉翔，我們會永遠記得你曾經帶給中國人的那些榮耀、希望、驚喜與感動。」