袁詠儀囝囝變樹熊

將逗留內地一星期拍攝電影《葉問—終極一戰》的袁詠儀，日前與老公張智霖（Chilam）帶同5歲半的囝囝「魔童」到中環行街兼剪髮。當日下午5時，Chilam拿着老婆做封面的時裝雜誌，靚靚則拖住囝囝尾隨。不想魔童被拍的靚靚，甫見記者即抱起囝囝背住鏡頭，問靚靚去哪裏？她說：「啱啱去咗剪頭髮。」之後一家三口進入附近時裝店睇衫，期間魔童不時探頭偷望門外記者。約15分鐘後，店員為他們拿戰利品上車，而魔童繼續樹熊式攬住媽咪，上車後，靚靚邊撳住囝囝的頭，邊向記者揮手道別。

Chilam輕輕鬆鬆行街，靚靚卻抱住魔童唔肯放。