蔡志明幽默外父 加怡冧嗌老公Baby
玩具大王蔡志明千金蔡加怡與陳漢驄（Jeremy）前日大婚之喜，晚上假會展筵開80席宴親朋。一對新人切蛋糕及以香檳合卺交杯。Jeremy多謝太太說：「多謝你忍我嘅脾氣，包容愛錫我，我搵唔到第二個好似你咁善良、聰明同了解我嘅女仔，冇人可以代替你。」加怡亦說：「Baby，好多謝你送個咁靚咁難忘嘅婚禮畀我，一直遷就同愛護我，令我夢想成真嘅唔只婚禮，仲係搵到Perfect Husband。」
新外父蔡志明致詞時發揮幽默本色，向親家大送高帽：「十個光頭九個富，可能個女等老竇下半世唔使做廠咁辛苦，第一次見Jeremy，唔係普通光頭仔，係特大，不過加怡話：『老竇，佢係第十個！』我唔信，後嚟見埋Jeremy爹哋，嘩，又係光頭，呢次發達喇！仲唔係Double Jackpot？」引得笑聲滿場。
蔡加怡嫁得有情郎陳漢驄，兩口子於婚宴大晒甜蜜，並展示多幅婚照。
蔡加讚（右）表示未因家姐出閣而有結婚衝動。
蔡志明夫婦嫁女，全晚笑不攏嘴。
郭富城抽空到賀，並吻賀新娘子。
Jeremy父親（左）大讚新抱加怡（右）100分。
婚宴上，蔡加讚（中）忙極仍不時到女友汪圓圓（左）身邊傾兩句。