周家蔚標腳毛佗仔徵兆
洪天明太太周家蔚昨日出席新蒲崗《Mikiki × 戇豆先生 群星反豆O運會》活動，正式宣布懷孕三個月：「終於講得！依家好易攰，但好緊張，未知之前，聞到燒臘味想嘔，天明話要買話梅，我話買驗孕棒先！照咗超聲波，天明話似佢喎！」她並透露早前於BB展已買了仔女皆宜的用品：「我想生女，可以扮靚又斯文啲。（老爺洪金寶點睇？）佢好開心，仔女冇所謂，我又唔只生一胎。（肥咗好多？）都係115磅。（上圍升Cup？）點都有少少。」而她昨日再接受電話訪問時笑說：「近排生咗好多又黑又密嘅腳毛，朋友話呢啲係佗仔徵兆。」
