杜汶澤剝褲露事業線慶功

o靚模陳靜（DaDa）、杜汶澤和導演彭浩翔等前晚出席新片《低俗喜劇》首映，DaDa以爆胸護士Look示人，但不時用電影紀念品「事業扇」掩護，她說：「我怕走光，貼咗膠紙但件衫太跣，膠紙都甩埋。套戲優先場反應好，導演叫我咁着。（票房好再性感啲？）呢件衫已好性感。」

而杜汶澤與露背的田蕊妮到場，他說：「優先場票房已過百萬。（正場票房好點慶祝？）DaDa露前面事業線，我梗係除褲露後面事業線啦！」田蕊妮笑說：「票房過五千萬，露乜線都應該。（你都好性感？）我呢條係水平線。」至於薛凱琪被問到離開華納時說：「之前公司講過，我微博寫過，唔多講，合作八年，分手好唔想，未落實去邊。（方大同話你有好路數？）佢祝福我啫！（簽房祖名間唱片公司？）唔想透露太多，唔續約係因公司突然有變動，令大家要分開，我唔係一早計劃走。真正離開嘅原因，我想尊重番公司。」

此外，DaDa和彭浩翔昨日出席《新官人我要》放映會，她說：「好有興趣想睇番邵音音當年嘅演出，但工作關係嚟到只睇到個尾，會搵碟睇番！」