阿Sa被煙熏掩鼻喊驚
蔡卓妍（阿Sa）、鄧紫棋（G.E.M.）及方大同等前晚出席《新城數碼高清EPS i Do Love Music》音樂會。打頭陣的阿Sa獻唱《白頭到老》時被煙火效果熏到，即時掩鼻！事後她笑言驚魂未定。問到《白》一曲是否向男友陳偉霆憑歌寄意？她說：「唔好講佢啦！（咁不如唱《永結同心》啦！）咩嚟o架？粵曲嚟o架？畀啲空間我哋啦！」
而G.E.M.被問到好友李蘊是否已跟魔術師劉謙分手，她大爆：「佢依家唔信魔術o架啦！跟咗我信教，魔術呢啲嘢係假o架！」方大同則被追問會否因緋聞女友薛凱琪不續約華納而跟她走？他說：「咁我都要睇條件嘅，（傾續約乘機獅子開大口？）我依家個嘴生痱滋，擘唔大個口。」
阿Sa被煙火效果熏到，笑言驚魂未定，下次要小心。
G.E.M.落力獻唱顯唱功。