Yumiko有嫁期搵贊助

鄭希怡6月底在泰國布吉發生失足墮崖意外，曾昏迷2日及頸骨移位。遭逢巨劫後，她被拍拖7年多的化妝師男友Andy真誠打動，終於首肯下嫁，現正籌備婚禮，事業心重的她婚後不會息影。

自傷頸後，鄭希怡（Yumiko）起居生活備受影響，幸而連月來得到男友Andy貼身照顧，上月中，Andy在好友面前拿着鑽戒向Yumiko求婚，令她深受感動，答應做人老婆。昨日在家中養傷的準新娘哈哈笑說：「我哋係有結婚計劃。」原定佳期為明年2月，有感時間倉卒而另覓日子，問她為何揀2月？她冧爆說：「因為係拍拖8周年紀念。」

不心急當媽媽

愛潮的她曾考慮旅行結婚，但現有新計劃：「結婚一生人一次，都係喺香港擺喜酒，請埋住喺上海嘅父母、親友飲喜酒，好多朋友已經同我報名要做姊妹，我想有結婚贊助。」不過現年30歲的她未急於當媽媽：「因為我仲未係好鍾意小朋友。」婚後怕脫節亦不會息影。

Yumiko頸傷接近痊愈，月中復工，暫不考慮接太辛勞的工作，早前曾有內地劇斟她飾演打女，雖對角色感興趣，奈何覺得身體要緊，不欲再冒受傷之險，問是否可除下頸箍？她透露在家中可以除下，但出街一定要戴上以作保護。