「真係追先講」苟芸慧向嘉穎送秋波
藝員馬德鐘、宣萱及苟芸慧等《飛虎》演員，前晚與港姐朱晨麗及朱希敏出席慈善活動。對於最近被指是鄭嘉穎其中一名女友，苟芸慧說：「每個演員同佢拍劇都會傳緋聞，佢人紅吖嘛！（佢追你得唔得？）真係追先講啦！」早前她被拍到與楊政龍遊船河，她說：「我同佢識咗兩年，初初都唔知佢係楊受成先生個仔，佢份人好低調，朋友係講緣分！」
至於馬德鐘則透露將會舉行船河慶祝新劇收視報捷，又賣口乖指無綫有好角色、劇本及工作團隊，故將會以部頭形式回巢拍劇，問到何時開工？他說：「我之後要返內地拍劇，應該下年先拍到無綫劇。（唔怕內地乳牛？）內地有好多專業演員！（老婆擔心？）佢一得閒就會嚟陪我！」
朱晨麗（左）卸任在即，難怪要「谷到行」，朱希敏則密實得多。
苟芸慧否認與嘉穎撻着，但激讚對方夠紅。
宣萱與馬德鐘孭飛的劇集收視理想，稍後會搞祝捷。