阿澤激讚DaDa好相與
影星杜汶澤（阿澤）、陳靜（DaDa）及導演彭浩翔等昨日宣傳新片《低俗喜劇》，阿澤竟將印有DaDa靚相的貼紙貼在褲上任影。DaDa仍大方笑說：「我暈暈哋！」阿澤即說：「我興興哋！我舊年拍咗8部戲，之前係咁對住薛凱琪，估唔到最尾呢套有DaDa！正所謂DaDa 『好相與』（好雙乳），薛凱琪『難相處』！（太太田蕊妮呢？）佢係中型，『好襟』！我咁嘅年紀身體唔好，佢對我嚟講就最好！（唔驚佢嬲？）玩吓啫！」
對於被讚身材好，DaDa仍謙稱：「我有34C，不過都想豐滿啲！（仲唔夠？）想結實啲！」而《低》片口碑及試映場成績不錯，阿澤表示已覓得投資方，支持他繼續開拍小成本港產片。
杜汶澤與DaDa為谷「戲」，不惜大講有味笑話，辛苦晒！