Rika貓咪纏身冇覺好瞓
周秀娜師妹、OctoBeez成員王麗嘉（Rika）興趣多多，半年前開始養貓，現在是兩貓的主人，一隻是5個月大的金吉拉貓丫丫，另一隻則是兩個半月大的曼基貓小魔怪。回想初次與丫丫邂逅，Rika表示印象深刻：「之前朋友隻貓生咗啲囝囝，我見到丫丫一見鍾情，決定帶佢返屋企！」
至於小魔怪的出現，是因為Rika不忍心丫丫獨留在家︰「我成日出去做嘢，怕丫丫孤獨，所以買多隻返嚟！開頭丫丫成日蝦小魔怪，依家兩隻貓嘅感情好好！」她表示兩隻貓仔極之百厭，搞到她冇覺好瞓︰「丫丫好早起身，喺房跑嚟跑去，之後就嘈醒我！佢哋好鍾意瞓喺我個枕頭，我啲枕頭畀佢哋霸晒！」
Rika非常疼錫丫丫（白色貓）及小魔怪，不用工作便待在家服侍牠們。
Rika最愛錫錫貓咪，就連身穿比堅尼都不忘親親。