何紫綸力證有嘢撈

模特兒何紫綸由天橋走入公仔箱，轉型拍劇開拓演藝事業，她要以行動證明除懂談情說愛外，還擁有自己的事業，她慨嘆︰「其實我係有嘢做o架！

行慣天橋的模特兒何紫綸（Ann），最近轉型做演員，一嘗拍劇的滋味。她早前接拍王維基的電視劇，與型男尹子維鬥戲，曾拍電影的Ann覺得以前只是玩玩吓，但現在拍劇的心態變得非常認真：「之前去咗上堂學演技，做演員唔似做Model，好多嘢要兼顧，有時都要放棄一啲靚嘅形象。」

唔只識玩

原來Ann踩入公仔箱前並未有計劃，只緣於一次巧合的機會，她在飯局中遇到一位編審，她說：「都覺得突然，開頭以為個編審講笑，原來係真嘅，覺得好開心！」現在為新劇開工的Ann，雖要放棄不少模特兒工作，但認為非常值得：「做Model都熟咗，試吓其他嘢無妨，雖然比較鍾意Model工作，但搵錢先係我嘅目標。」她表示感謝模特兒公司的支持，令她能安心拍劇：「公司對我好好，放我去拍劇，就算有模特兒工作都就咗我拍劇先，所以推咗好多Model工作。」

現在Ann為事業開展新一頁，她表示要以行動證明給外界看：「以前啲人以為我拍拖，只係掛住去玩，但其實我係有嘢做。」談到感情狀況，現正單身的Ann說：「依家都係做嘢為主，拍拖只係我嘅Bonus。」