區永權家有爭寵兩條A
已是爸爸級的前有線主播區永權（Albert），兩名兒子大A及小A分別已18個月及7個月大，他笑言小A出世後，搶走了大A很多粉絲：「細仔肥嘟嘟，加上好鍾意笑，只要叫佢細佬，佢就會笑唔停，好可愛。佢好大食㗎！食遲一餐奶都嘈到拆天。」未知是否呷小A醋，Albert透露大A由怕醜仔成功蛻變成「逢人Hi」！除以親民姿態與弟弟爭人氣外，Albert指大A還會爭寵：「媽咪每日一到時間就會入房抱細佬，大A一見時間差唔多，就會爭住扭媽咪抱。」而Albert透露與太太一有空便會帶大A外出，由於大A走路時步履不穩，故他和太太要以「狗帶」幫其站穩陣腳：「佢成日唔係撞到鼻就係撞到頭，咪綁住佢，然後喺後面拖住佢行囉！」
區永權與太太常帶大A外出，享受家庭樂！
大A（右）與小A同樣精靈可愛，是區永權的心肝寶貝。