Robynn & Kendy拍住上 壓力齊齊孭
創作組合Robynn & Kendy（R&K）早前於adidas Originals旗艦店獻唱會歌迷，入行短短半年的她們已逐漸適應娛樂圈的生活，問到入行後對娛樂圈有何感覺，Kendy說：「兩個人一齊會輕鬆啲，可以寓工作於娛樂，有人可以分擔，冇想象中咁恐怖！」Robynn則說：「入行前諗到好驚，驚唔識點做，唔知點面對傳媒，依家都仲習慣緊！」
R&K先後與同公司的歌手包括譚詠麟及林德信等合作，她們表示與不同歌手合作均有火花，希望日後可再合作。問到會否為其他人寫歌？她們即興奮地說：「都好！我哋依家都Keep住寫歌，有機會寫畀其他人唱當然好，但都要一步步嚟！」而早前在美國讀書的Robynn說：「讀書時識閻奕格（台灣PK魔王），試過自薦話寫歌畀佢。」
Robynn（左）與Kendy懷着無比鬥志在娛樂圈發展。