陳雅倫跛住腳報恩拍戲

陳雅倫(Ellen)早前有腳傷,仍拍王晶新片《絕色武器》,問到為何如此瞓身?她笑說:「因為當年拍打片太落力,有唔少舊患,其中膝蓋下面塊軟骨愈嚟愈傷,最近醫生建議我做手術,點知做完第二日,導演王晶就打畀我叫我開《絕色武器》,我見有洪金寶同元奎咁好陣容,加上我一直都好感激王晶喺我人生路上不停畀啲適合嘅角色我做,所以跛住腳都去拍!」

Ellen還碌「友情卡」邀得好友黃秋生客串一角:「秋生知道我拍王晶電影,加上有唔少老友喺度開工,所以過嚟客串。」她的戲服相當貼身,令她盡展美好身段,問到有何收身美容之道?她說:「我要多謝外婆遺傳咗好好嘅皮膚畀我,至於身形,因為我有Keep住做運動,所以唔會好肥。」

Ellen大碌友情卡,邀得影帝秋生客串新片。

撐着拐杖的Ellen(中),在助手陪伴下頂硬上拍戲。