偉仔梳化底收埋影帝獎座

梁朝偉被踢爆將康城影帝獎座放在梳化底,他昨日解釋只想低調而已,並說:「唔想成日畀自己覺得有呢啲嘢,想每一次都好似新嘢咁。」

梁朝偉、周迅、導演麥兆輝及莊文強昨日在港出席新片《聽風者》記者會,對於莊文強及麥兆輝日前在廣州的首映上踢爆他在家中亂放獎座,梳化底更驚現康城影帝獎座,偉仔說:「唔係呀!我只係唔想咁張揚,好似獎牌列晒出嚟咁,我有擺埋喺櫃入面,收埋晒睇唔到o架!低調啲好,唔想成日畀自己覺得有呢啲嘢,想每一次都好似新嘢咁。(康城獎座放地下?)其實係個證書有個畫框鑲起,同啲油畫一樣放喺地下角落頭,我唔鍾意揼牆掛嘢嘛!唔覺得咁係唔尊重,所有獎座全部喺我個心度。」

而偉仔亦承認如傳聞所指不拍鬼片:「細個家人經常講鬼古、睇鬼片,依家拍鬼片同玩機動遊戲等於折磨。」

至於周迅則被追問與趙薇拍《畫皮Ⅱ》的不和傳聞,她否認:「大家從電影開始就炒作,不斷的出來說又被不斷問。(未有一齊宣傳?)大家要拍大家的電影,突然間票房那麼好有慶功,我們亦有其他工作。(拍第三集?)不知道。」

周迅被讚似梅艷芳

此外,因周迅演出的電影內地票房累積達18億元人民幣,故在內地被稱為「周十八」,前日在廣州首映上更有記者追問她會否加片酬,偉仔聞言竟搶答:「可以考慮!」莊文強在同一活動上又直言周迅像梅艷芳般外剛內柔。而麥兆輝自爆很怕與女星會面,並透露有次一位女星穿得漂亮,衣領開得低,只坐着但不問他問題,像個花瓶。

影視組

偉仔與周迅在記者會上互笠高帽。

麥兆輝(左起)、偉仔、周迅及莊文強分享拍戲的苦與樂。