鄭融冇拉攏Fiona過檔

歌手鄭融、泳兒、連詩雅（Shiga）和許廷鏗等昨日出席電台迎奧活動，在烈日下參加短跑比賽。鄭融被問到好友薛凱琪（Fiona）不與唱片公司續約一事，她表示不知情：「我最近冇見過佢，但我哋平時出嚟好少講公事。（拉攏佢去你公司？）冇，佢識搵公司，祝佢一帆風順。」與Fiona同公司的Shiga則說：「我都係呢兩日先知佢唔續約，覺得好突然，入行後佢都畀咗唔少意見我，都想佢留低。」

而泳兒表示本月初將出碟，會送新碟給髮型師男朋友，更詐嬌說：「佢都唔聽我啲歌嘅。」身形明顯發福的許廷鏗死撐說：「依家積極做緊運動，為新碟做準備。（新碟幾時出？）年底，會有擅長迷幻曲風嘅前輩幫手，但依家唔可以透露住。」

鄭融跑步前後飲水補充體力。

連詩雅不想Fiona離巢。