羅力威開騷師兄基仔撐場
歌手羅力威前晚在九展開騷，女友羽翹人不到、連花籃亦不見，幸好有師兄吳浩康和師姐泳兒撐場，亦獲大師兄古巨基任嘉賓。羅力威獻唱不少前輩歌手的金曲，如黎明、梁朝偉及容祖兒等。
當唱到林峯歌曲《Let's Get Wet》時，羅力威與穿吊帶連身裙的女舞蹈員跳辣身舞，女方雙手不停在其身上游走，從後摸胸兼摸「小威」，令台下歌迷尖叫！怕醜仔的他「硬晒軚」兼偷笑抹嘴！當與基仔合唱時又大講笑話，基仔坦言睇好他可於兩年後上紅館舞台：「開定張支票，你去紅館一定撐你。」事後，羅力威否認遭摸「何B仔」：「冇摸，因為要記歌詞同要有禮貌，唔夠膽斜視。」
女舞蹈員從後摸胸，怕醜仔羅力威已硬晒軚！
基仔（右）與師弟羅力威拖手合唱。
泳兒、羅力威、吳雨和吳浩康等開香檳慶功。