高海寧細時險燒壞腦

無綫「咪神」高海寧（高Ling）早前在著作中大爆小時候曾發高燒，還被診斷會燒至低能，雖然最後大步檻過，但她仍自嘲：「可能（智商）低咗少少！」

高海寧昨日為節目《姊妹淘》任嘉賓主持，提到早前推出新書，她笑言不清楚銷情，只知首批印了一萬本：「相信未賣晒。（唔緊張銷量？）公司幫我搞，我連抽幾多佣都唔知。」笑指已贏得口碑的她，談及在書中自爆童年曾發高燒，更被醫生斷定會燒到變低能，她笑指現時智商OK：「好彩當時婆婆冇放棄我，帶我去大城市醫病，依家好番，不過可能都低咗少少！」

同場的羽翹則繼續否認與歌手羅力威拍拖，但又為對方宣傳音樂會，她說：「佢開五場，我會睇其中一場，不過我五號生日唔會睇。（佢同你慶祝？）佢好忙。」

羽翹睇男友做騷

拖手斷正仍死口不認戀情，問羽翹是否因老闆蕭若元不讓旗下藝人拍拖？她說：「唔會想我出雙入對，但都冇話鼓唔鼓勵，佢零意見。」問到羅力威是否其對象？她說：「冇諗，結婚會公開！」