歌手鍾舒漫（Sherman）前晚為新碟舉行簽名會，逾半百粉絲冒雨撐場，問到有否送碟給緋聞男友張致恒？她笑說：「佢自己買啦！同佢咁熟，我會叫朋友買，識咗咁耐更加要自己買。」對於新碟銷量，她坦言有擔心過，因今次新碟全屬快歌比較難做：「銷量上上落落係好正常，最緊要係堅持。」Sherman又自爆想拍寫真留倩影：「我唔介意影全裸，但唔會公開，只係可以畀老公一個人睇，其實我都鍾意睇女仔性感相，因為幫到我畫畫。」
Sherman舉行簽名會，Fans送上禮物兼要求合照。
