朱玲玲11月做奶奶

一直有傳郭晶晶今年下嫁霍啟剛，本報曾率先報道兩人婚期為今年11月11日。前晚終獲「準奶奶」朱玲玲親口證實，並透露即將派帖，又大讚未來親家平易近人！

霍震霆兒子霍啟剛與跳水王后郭晶晶拍拖多年，有指兩人今年拉埋天窗，而本報早前更率先報道他倆的婚期為今年11月11日。「準奶奶」朱玲玲前晚擔任分享會嘉賓，分享其人生經驗和攝影作品。對於兒子的婚期，她親口承認：「係11月，好快會派帖，到時大家都會知道，唔使我再宣布。」又稱雙方家長已見過面，並商量婚禮細節：「大家都好Easy，冇咩要求或者難做嘅嘢。」

讚親家易相處

朱玲玲又大讚未來「親家」容易相處：「晶晶係北方人，要求好簡單唔多嘢搞，慳番好多。」向來熱愛攝影的她雖曾為兒子拍照，但婚紗照則不會親自操刀：「佢哋有問我意見，都有採用到，但攝影師係佢哋自己搵。」問到婚紗照是否已拍及拍得如何？她只笑而不答。但日前晶晶被拍得在霍家大宅過夜，問到晶晶是否已進駐大宅？朱玲玲笑說：「點敢講你哋知，一陣會有好多人喺門口等，講咗就對唔住佢哋。」談到倫敦奧運開幕，她雖未能抽空到現場欣賞，但「準新抱」晶晶已出發前往倫敦。

另外，早前被指簽約任賢齊旗下而得罪無綫的歌手周麗淇（Niki），透露九月會為無綫拍劇，粉碎不和傳聞。談到有指家姐周汶錡即將出嫁，Niki表示即使屆時家姐的婚期跟工作撞期，亦必定選擇出席家姐禮：「邊個都冇情講，一定要飛過去。」