周美欣魚樂無窮

2007年香港小姐季軍周美欣除唱歌演戲外，原來還喜歡養魚！她可不眨一眼望着金魚的傻樣子，對着魚缸逾一小時。美欣透露愛上現在養的魚種是因為一次踏足科學館：「我嗰次見到佢哋好得意，有兩個波波喺對眼度，個樣好傻，原來佢哋係金魚嘅變種，所以去店舖買佢番嚟！」她更為所養的金魚改名：「一條叫Router，因為我個Router係橙色同佢一樣，另一條係因為我有隻杯上面有兩條金魚圖案，所以佢叫Cup。」

美欣表示小時候已愛上養魚：「Daddy喺溫哥華出售舊貨嘅地方買咗個大魚缸，有9條大金魚喺入面，但係中國人話9字唔老嚟！而且成個缸好污穢，有日我同媽咪頂唔順要嚟個大清洗，順便買多7條新魚陪佢哋，但點知原來養魚啲水唔可以太乾淨，所以第二日啲魚就開始死，但當時我唔覺得傷心，只覺得好核突，因為嗰時11歲好細個，但都覺得自己做咗兇手。」

金魚的雙眼有波波，令周美欣相當喜歡。