Madi Ross 接Job歐遊
Jessica C.師妹、「第五代Canon甜心」Madi Ross日前上堂學溜冰，小時候曾溜過一次冰的她平衡感甚佳，首次上堂已能輕易繞場一周，絕不似門外漢！原來Madi是一名運動健將，小學時學習體操及足球，來港後亦頻頻到寓所附近的寶雲道健身徑練跑。
Madi的暑期工作排到密麻麻，先去新加坡逗留兩個月，拍廣告接騷，再啟程往歐洲為著名設計師好友Reene Weston的米蘭時裝周行貓步：「我都係第一次行咁大型嘅騷，都幾緊張！今次咁難得去歐洲，我一定會順便去埋其他國家遊覽！」
Madi成功溜冰繞場一周，擺出架勢甫士！
Madi綁好鞋帶，做足準備才落場。