蔚雨芯熱舞晒料谷心形胸

有「翻版周秀娜」之稱的樂壇新人蔚雨芯（Rainky），身材跟娜姐有得揮，日前她獲老闆陳百祥借出逾三百萬元法拉利拍MV，在一輪勁歌熱舞下谷出心形胸，性感誘人！

樂壇新人蔚雨芯（Rainky）日前為新歌《RAINING》到郊外水壩拍攝MV，出道一年的她備受老闆陳百祥（叻哥）厚愛，豪借逾三百萬元紅色限量版法拉利，又獲郭富城御用排舞師Sunny Wong悉心排舞，可謂萬千寵愛。擁有33C豐滿上圍的Rainky，平日打扮保守，但為了不負叻哥期望，她亦豁出去穿上低胸背心，跳舞時睇頭十足！

Rainky與四名舞蹈員在堤壩上跳舞，加上身後的法拉利，相當矚目！投入熱舞的她不慎走光露出Bra邊，幸有工作人員即時提醒。事後問她知否走光，Rainky說：「跳得太投入喇！真係冇為意，其實我有貼膠紙打底。（谷咗成個心形胸喎！）我覺得健康性感OK，只要唔係不雅包膠袋就得！（許穎本寫真集被書展禁？）佢本書真係不敢恭維，我一定唔會咁！」

寫真玩Cosplay

Rainky透露自己也有推出寫真集，會留待動漫節才「出擊」，問到有何賣點？她說：「我會Cosplay漫畫人物。（性感？）都幾性感，但以美感為主！」她又感謝叻哥借出靚車：「叻哥今年初先買呢架車，咁都肯借畀我，好感動！我打算出年學車，當然唔敢問叻哥借車啦，賠唔起呀！」