Naomi升Cup誘男酒客摸手仔
李思捷緋聞女友Naomi（立奧美）、新進模特兒DJ Seeya（劉詩雅）、阿肥及阿傑日前獲邀到深圳Muse酒吧登台，打碟、獻唱及派禮物，氣氛熱烈。身穿豹紋低胸裝的Naomi在多名保安護送下出場，她大騷早前到台灣脂肪隆胸的成果，慷慨烏身派海報，吸引多名男酒客衝前搶奪，更有人趁機摸手，事後Naomi笑言沒有被嚇怕：「第一次嚟內地登台，Fans真係好熱情！下次印好寫真會帶嚟送添！」外形甜美的DJ Seeya打碟時更除去外套騷Fit爆Body，她直言頗為緊張：「我都係首次返內地演出，仲咁性感，有啲尷尬！（考慮出寫真？）尺度唔係太大都可以，接受到着泳衣、內衣。」
Naomi俯身派海報，不少男酒客即伸手搶奪，氣氛熱烈！
DJ Seeya除剩Bra打碟，辣慶男Fans。