羽翹封筆再戰樂壇
羽翹（Eva）昨日戴黑超到電台受訪，她透露因右眼敏感兼眼腫而不能化妝：「可能前排食咗魚蝦蟹，搞到敏感，我近排成日周身敏感，但仲未睇醫生。」近日忙於出美容書的Eva表示將重返樂壇，新歌《無尾飛砣》講述異地戀：「我對上一首歌已經係兩個月前嘅《了不了》，前排忙完舞台劇《潮性辦公室》，本美容書係我最後一本，因為已經諗唔到寫乜，我應該唔會再掂文字上嘅嘢。（搵少好多錢？）美容係好搵，碟最多賣幾千隻，依家將美容賺嘅錢放落做碟。」問到美容書於書展的銷量如何？她笑說：「冇問，因為諗住係最後一本，已經冇理。」
