金剛冇嫌肥 脹爆蔡慧欣倒奶

金剛緋聞女友蔡慧欣昨日穿泳衣出席奧運活動，大騷32D上圍，可惜下身驚現象腿，她揚言金剛沒嫌她肥，但會努力減磅！

憑32D上圍成為新一代咪神的蔡慧欣，昨日偕岑麗香和徐靖雯出席在apm舉行的《希臘殿堂級奧運體操巨星大匯演》，穿低胸泳衣的蔡慧欣夾出4吋事業線，當三女向前奧運金牌得主取經時，蔡慧欣身旁的運動員教她玩倒立及側手翻，即出現「倒奶」效果，而徐靖雯及岑麗香亦有玩體操及雙槓。

其後，她們跟新鴻基地產代理有限公司租務總經理馮秀炎合照，之後蔡慧欣受訪時直言已打底，不擔心走光。問到事前可知要倒立？她說：「唔知。（尷尬？）又唔會，OK好玩。」對於下圍肥胖不少，她直認不諱：「因為我個妹返咗嚟，我哋不停食嘢，等佢走咗會戒消夜減番！（上圍升級？）冇。（金剛有冇話你肥？）冇。（唔介意你肥？）唔知佢介唔介意呀！」

徐靖雯笑周子揚

而徐靖雯的歌手男友周子揚日前表示，因要接受割包皮手術，無法拍新劇《衝上雲霄Ⅱ》，徐靖雯對此尷尬地說：「呢個係好私人嘅事。（你知唔知？）佢話係就係，呢啲我唔清楚，睇到新聞好尷尬同好笑，唔明點解大家問我呢啲問題。」