陳嘉桓變沖繩美人魚

陳嘉桓早前到日本沖繩工作，除出發前精挑靚泳衣出戰外，還誓言要大啖魚生歎美食，更自信不會增磅，她說：「我哋個家族喺三十歲之前係食極都唔會肥嘅！」

藝人陳嘉桓（Rose）早前獲有線邀請到日本沖繩拍攝旅遊特輯，為以最佳姿態開工，Rose出發前精挑泳衣預備在沖繩大騷Quali！天生愛旅行的她笑言雖曾多次遊日本，卻不能像常人一般滿載而歸：「唔知點解，啲衫嘅尺寸唔係好啱我，唔係吊袖就係啲褲唔夠長，所以買唔到咩衫，好彩都有好嘢食。」

偏食壞習慣

Rose又笑言要在沖繩大啖魚生：「我一路都唔敢食，直到舊年去日本拍飲食節目，先知原來咁鮮甜！」她更自爆自小已有偏食習慣，並笑指是壞榜樣：「我好衰o架！以前基本上淨係食雞翼，唔多食肉，白切雞見到有少少血即刻唔食，燒味又唔食，扒又唔食，生蠔都係上次去完康城先接受到，依家好咗好多，只差內臟仲未接受到。」

怕曬變黑炭

大開食戒的Rose自言不擔心增磅：「我哋個家族喺三十歲之前食極係唔會肥嘅！」綜觀她當日試戰衣，身形果然極為苗條，沒半點腩肉，得天獨厚。雖然唔怕肥，但Rose卻怕曬黑：「我好易黑o架！唔知變咗黑玫瑰大家接唔接受到呢？（你啲膚色好健康呀！）呢隻色係去完泰國同法國溝出嚟o架！法國啲陽光好柔和，曬出嚟啲膚色好靚。」