謝安琪（Kay）剛由韓國返港，期間嚇餐懵，她說：「喺機上遇到強勁氣流，啲食物、飲品飛起晒，仲有乘客暈機浪嘔！」問到囝囝張瞻有否到花園感受十號風球的威力，她說：「應該冇，不過佢好神怪，愈嘈愈瞓得好。」對於被指與疑似蒙面歌手龍小菌的真身合照，她說：「我唔知相中人係咪龍小菌，我都想認識佢，佢對音樂好有熱誠。（佢畀人話博宣傳？）唔好鬧佢啦！我會支持佢。」至於Kay的丈夫張繼聰則自嘲是家中的「超級雜工」，並透露近日忙於拍劇，但不會冷落家人。
Kay取笑囝囝「神怪」，環境愈嘈睡得愈好。
