徐子珊：同黃宗澤絕無發展
對於黃宗澤與胡杏兒分手，不少圈中人均表驚訝，而先後與吳卓羲及黃宗澤傳緋聞的徐子珊，則反而率先安慰杏兒。
徐子珊：冇問吳卓羲、張馨予分手嘅事，唔覺佢因情慾短訊有異樣。（Bosco杏兒都分手？）難以置信！睇完杏兒個訪問原來係真，我接受唔到，好可惜，同杏兒熟啲，有短訊慰問佢，希望佢開開心心，但我就好難過！（Bosco花心？）同事唔會問呢啲！（男嘅單身有機會？）絕對冇發展機會！
方中信：希望佢哋收拾心情。我都有北上開工，佢哋有名氣唔會亂嚟，狂蜂浪蝶一定有，但我就冇呢方面嘅煩惱，啲「乳牛」都知我係爸爸、係絕緣體。
陳茵媺：好可惜！佢哋一齊好耐！唔會因為怕內地多引誘就唔畀陳豪返去拍劇，對佢非常信任。
蒙嘉慧：分手當然可惜，但係來龍去脈只有佢兩個先知。同伊健六年，唔擔心七年之癢，雖然以前都試過拍拖七年分手，但係諗番其實係早幾年已經可以分。
徐子珊