吳卓羲否認偷食富家女
網上瘋傳與富家女的情慾短訊後，吳卓羲昨日繼續拍攝劇集《戀愛季節》，他表示事件不是事實，不想回應太多，他指與該女子認識多年，從未拍拖，消息出街後，對方有致電給他，更指會發聲明澄清件事：「事件應該交番畀佢處理，佢打嚟同我講唔好意思，係一場誤會。（識朋友小心啲？）識朋友係憑感覺，唔會查清底細先，如果個個都小心會好辛苦。」提到報道指他曾傳半裸上身照給富家女，他說：「有時都會影呢啲相，朋友好普通啫！又唔係出浴照，冇乜問題。（佢係咪小三？）唔關事，佢唔係小三！」 提到早前缺席《衝上雲霄II》記者會，他否認是因與張馨予分手，而是腸抽筋，又否認借酒澆愁。問到他與張馨予的關係？他指私人感情事不想講，至於張馨予在微博暗示清楚其為人，他說：「可能佢唔知內情！（一腳踏兩船？）唔係！佢冇聽我解釋！」
吳卓羲昨日拍劇時愁眉不展，未知是否受情慾短訊事件影響？