周汶錡甜笑默認秋天嫁
周汶錡（Kathy）被指將於9月跟法籍男友Julien到法國南部結婚，Kathy與妹妹周麗淇（Niki）前晚結伴出席時裝品牌派對時，被追問結婚傳聞。Kathy依然故作神秘說：「其實都講咗年幾兩年o架喇！我冇乜留意報道點寫，都冇答過。（話你揀埋婚戒？）邊有，冇啲咁嘅事。（係咪9月做新娘？）又講，講咗唔答。（係咪結咗先講？）有得結先講，結咗先算。（要搶舊愛杜德偉閘？）我冇講過。」
Kathy受訪時全程甜笑，問到是否已挑選了婚紗時，她突然轉口風說：「未諗到。（點解揀喺外地結婚？）我冇講，唔好逼我。開心事嚟嘅，我會承認。」問到是否做秋天新娘時，她終甜笑點頭默認。
另外，同場的文詠珊（Janice Man）則否認跟舊愛李冠峰復合：「咁多年大家都好熟。（佢屋企人認定你？）我覺得呢啲唔輪到邊個去認定，係我哋兩個人嘅事，呢一刻我哋唔係一齊。將來會唔會復合冇人知。」
與Niki一起出席派對的Kathy（右）默認秋天出嫁。
JM否認跟舊愛李冠峰復合。